3º kofi áxil

Unha nova reunión do grupo onde se tratou principalmente o tema dos roles comentando varias das seguintes cousas:

Adicación:
-Contabilizase para o sprint só a adicación ao desenvolvemento do proxecto. Reservase xa aquí a adicación á resolución de problemas en Produción. Por exemplo: 50% des e 50% produción.
-A adicación do SM (Scrum Manager) no sprint inclúe todas as tarefas que lle asignemos ao rol.

Roles:
- O SM é o responsable total. Nivel programación (revisando a integridade do código, o cumprimento de estándares,...). Nivel xerencia (perpectiva global do proxecto, xestión da relación co DP). Nivel de xestión (coordinación do equipo, documentación de xestión, planificación...).

-O DP equivale a un rol funcional. Distanciamosnos da teoría en que non fai tantas cousas como se espera... e se procuramos non liarlle a cabeza. Asiste a reunións de demo/planificación onde engade e prioriza tarefas. Tamén resolve dúbidas e fai as probas de aceptación. Aquelas funcións do DP teórico que non son asumidas polo DP real realizaranse polo SM.

Traballo en equipo:
-Equipo independente: tal cual a teoría, os membros do equipo escollen as tarefas e coordinanse entre si de motu proprio.
-Equipo dirixido: o SM asigna os traballos e coordina aos desenvolvedores. Polo menos ata que se poida garantir que o equipo se auto-coordine.

Trátase de coñecer o equipo de traballo e garantir que se funciona de xeito autoxestionado, é dicir, o equipo funciona como un todo sen intervención externa.

Control do traballo:
- Scrum permite ver con claridade o traballo de todos os membros do equipo (incluídos SM e DP) e saber quen traballa e quen non. Esta info debería ser interna ao equipo e aproveitarse para mellorar a autoxestión do grupo. Non se deberia empregar para o control das persoas a nivel laboral.


Por último incitouse á xente a participar.... así que animádevos a comentar o artigo con máis info deste kofi áxil!!

2º Café Áxil: Sobre a miña visita ó Agile Open Spain 2009

Neste segundo café áxil contei a miña experiencia no Agile Open Spain 2009. Para resumir direi que sinxelamente foi estupenda.


O venres 23 de Outubro, o que se fixo foron as presentacións e reparto de tarxetas identificativas e diplomas de asistencia e a creacción do taboleiro de sesións. Foi alucinante ver á xente participando, propoñendo temas, votando, construindo un taboleiro de charlas entre todos (160 persoas). Parecía inviable e sen embargo, funcionou á perfección.

Hai que dicir, que para a celebración do evento se escolleu o formato "Open Space",  que para min resultou un grato descobremento. Anímovos a pulsar no enlace que deixei para informarvos máis en profundidade.

Resultado do primeiro día, configurouse unha matriz de sesións (chalas, mesas redondas, workshop's, presentacións...), de 5x6: 5 horas, con 6 sesións simultáneas cada hora.

O sábado 24, tras ó cafeciño de primeira hora xentileza dos sponsors, plantábaste diante do taboleiro, decidías a cal querías ir e listo. Si no medio non che gustaba, marchabas e ías a outra sin ningún problema, a ningúen lle parecía mal nin nada diso (a regla dos dous pes). Daba pena non poder ir a varias simultáneas :D.

Eu fun ás seguintes:

1. Agilismo vs CMMI (ou sexa Calidade e Axilismo)
2. Métricas ágiles
3. Agilismo de Guerrilla
4. Kanban
5. Motal Kombat / Agile Spain 3.0
   

Todas elas me resultaron moi interesantes e ilustrativas e trouxen varias ideas e respostas para o noso grupo. En particular sobre a 1ª e 2ª que tiñamos algúns debates armados. Outro día intentarei comentar as ideas principais que se trataron en cada unha delas (aínda que non prometo nada eh :P).

A xente estupenda, todo o mundo se miraba moi ilusionado e con ganas de aprender. Un finde redondo.
Tamén teño que agradecer a súa amabilidade a Juanjo e Rocío, que me acolleron na súa casa e me trataron coma un rei.

Como colofón, deixovos o enlace á páxina de recursos relacionados có evento que crearon na lista de distribución de Agile-Spain: #agileopenspain2009

Velocidade e outros cálculos para xestionar a planificación

Situación: Imos planificar un novo sprint e dispoñemos dunha serie de datos iniciais:

Duración do sprint en dias laborais: 10 d
Adicación prevista do persoal: P 70% e M 40%
Velocidade estimada (baseada no histórico): 60%
Buffer de proxecto: 20% aprox.


Polo tanto botamos as seguintes contas para conseguir o esforzo estimado a facer no sprint:

(duración*velocidade*persoal) * buffer = esforzo estimado
(10d*0,60*[0,70+0,40]) = 6.6
...e aplicando o buffer: esforzo estimado = 5 días home ideais (dhi)

Estos 5 dhi son os que podemos prometer na planificación ao estimar as tarefas sempre que se respecte a adicación do persoal.


Ao final do sprint medimos os seguintes datos

Duración do sprint en días laborais: 10 d
Adicación real do persoal (vaise rexistrando na reunión diaria): P 40% e M 30%
Esforzo real completado (obtido das tarefas): 4 dhi
Velocidade real = esforzo real / adicación real = 4 / 7 = 0.57 --> 57 %

Esta será a velocidade estimada no vindeiro sprint (a velocidade baseada no histórico).