Como estamos traballando en Axilmente

Dende que volvemos de Madrid, Juan i eu decidimos organizarnos un pouquiño para avanzar no coñecemento e implantación das metodoloxías áxiles. Son varios os frentes que abrimos, pero un deles foi sin duda buscar un método de traballo que nos permitise ter certa continuidade e ir "sacando cousiñas". O que se conta aquí é ese método.

O principio pensamos de usar Scrum. Logo cambiamos a Kanban. Logo ambos, pero finalmente fixemos un método ad-hoc con reminiscencias de ambos. O primeiro que fixemos foi marcar de maneira "seria" o tempo que lle íamos a dedicar ós temas áxiles. E digo seria porque tiñamos tendencia a dicir, si, si a ver si o fago mañán ou esta semana ou .. asumindo un montón de compromisos que logo resultaban inabarcables. Este primeiro paso  xa foi moi importante. Decidimos asignar cada un 2 horas semanais.

O método entón é facilísimo. Temos un "océano" de historias que entre todos imos alimentanto. Cada venres xuntámonos e estimamos traballo ata completar esas 2 horas. Utilizamos un tablón para seguimento das tarefas/historias (vou utilizalo indistintamente, aínda que quizáis non se deba :D) .

Para xestionar o fluxo de traballo sobre este tableiro ás veces aplicamos criterio Kanban e outras veces tipo Scrum. Explícome:  si o venres tes unha tarefa a medias e estimas que o que che falta é 1 hora, só podes meter traballo ata completar a hora que falta (esta é a opción Kanban). Outra cousa que facemos ás veces é convertir o traballo que falta dunha tarefa en novas tarefas e volvemos a estimar e meter na "costa" ou no "océano. Esta sería a opción Scrum de "limpia o tableiro logo do sprint e comeza de novo". En xeral optamos polo modo kanban,  pero buscamos a maneira de sacarlle máis "zumo" a esas 2 horas e as veces o que falta dunha tarefa en marcha aporta moito menos que outra que apareceu durante a semana.

Ó rematar unha tarefa o que sucede e que esta so derivar en outra ou outras que van para  a costa ou para o océano, e o ciclo continúa. Isto último igual non se entende así que vou poñer un exemplo: supoñamos que Juan vai montar o "Sonar" nun proxecto i estima que lle leva 2 horas. Esta semana terá esa única tarefa. Ó rematar, o seguinte venres, unha das tarefas que podería meter para a seguinte iteración é facer un artículo no seu blog cun resumo da súa experiencia sonar, outro axudarme a mín a metelo nun proxecto meu, etc..

Evidentemente a pequena reunión dos venres vale para presentación, retrospectiva, planificación da seguinte semana (sprint) e incluso completar ou limpar o océano de historias. Ten que dar para bastante media hora eh :D


Varias preguntas e respostas

¿Existen roles ó modo Scrum?. Non. Todos somos equipos ou desempeñamos os roles necesarios según a historia na que estemos metidos. Ás veces eu teño máis forza para facer de Scrum Máster (ou similar) e ás veces Juan ten claramente superpoderes para facer algo similar a un "Dono do Producto" (oh Gran Arroaz Dourado !!)

¿Por que Oceano e non Pila de Producto? Unha pila de producto é unha lista de historias priorizadas i estimadas, xestionaa un dono de produto que representa a un conxunto de interesados (usuarios, inversores, xente da dirección, ect). Aquí os interesados somos nós memos e tamén somos os "donos do producto" e todo e o principal obxetivo é divertirse aprendendo así que non necesitamos ter unha priorización superestricta de tódalas historias que temos atrasadas ou que nos rondan pola cabeza. Moitas veces nin sequera temos tempo para escribir unha pequena reseña dunha historia, sale algún temita nunha conversa de café ou incluso traballando e dicimos, caramba, habería que meterse con isto e apuntámolo pero non o desglosamos. Cando a alguén lle apetece ou vemos necesario meterlle o dente, xa levamos a cabo todo ese traballo de definición, análise i estimación (isto é, na reunión do venres en 5 ou 10 minutos :O) )

¿Donde está o oceano ( a lista) de historias?. Pois decidimos metelo nun documento en gdocs

¿Cómo é o noso taboleiro?. O primeiro que teño que dicir é que o noso taboleiro é virtual, a través da ferramenta stixy. Isto é así para poder traballar e sincronizarnos contra o taboleiro sin necesidade de presencia física. Xuntando isto con que o documento de historias tamén está na rede, podemos traballar todos xuntos de maneira distribuida e dende as nosas casiñas. Bueno, que si queredes entrar no tema, por favor, non vos fagades de rogar, petade na porta ;P.  ´Poñede unha mensaxe no fío do grupo onde imos anunciar esta entrada ou neste post e xa vos enviamos invitacións para poder traballar có taboleiro.

Volvendo ó taboleiro dígovos que ten 4 columnas: "Seleccionada" ( a costa, o que está máis preto para meterlle o dente en seguinte lugar); "En Análise": seleccionamos unha tarefa pero primeiro necesitamos investigar para estudiar cal é o seu alcance (este estado é controvertido, logo falaremos máis del); "En Marcha": non é necesaria explicación; "Feito": pois iso, a historia / tarefa considérase rematada. Aquí tamén temos un matíz que sinalar: non temos una "definición de rematado" ó estilo Scrum, o que fai a tarefa indica si está rematada e si temos dúbidas sobre si aínda lle queda algo, falámolo na reunión do venres.

¿Por que estado "En Análise"? Un pouco xa o contei. Ás veces apuntamos algo de maneira difusa, pero non temos claro que implica. Nestes casos poden suceder 2 cousas: que vexamos na reunión do venres que é unha parida e polo tanto xa o rompemos nas tarefas correspondentes e xa van para a lista "Seleccionada" ou para o "océano", ou que vexamos que se trata dun tema inexplorado cuxa análise vai requerir tempo.  Outras veces incluso da columna Seleccionada pasa directamente a "en marcha", sin pasar por "en análise". Como poder verse isto saltaríase os fluxos kanban :). Realmente é un tema que non temos moi claro dende o principio e quizáis este "estado" desapareza.


Pois nada, isto acabouse. Si tendes algunha dúbida ou contribución adiante e si queredes participar no curro semanal, esperámosvos cós brazos abertos :D.

Saudiños.